బాల్లీ సాగూ గారి ఒక గ్రేట్ సాంగ్ చూడండి

నా చిన్నప్పుడు నాకు బాగా నచ్చిన పాట ఇది ...

ఒక హిట్ తమిళ్ సాంగ్

నాకు నచ్చిన ఒక తమిళ్ పాట ..మీరు కూడా చూడండి.


చిత్రం పేరు: ముదల్ మరియాదై (మొదటి మర్యాద)
దర్శకుడు: భారతి రాజా
సంగీతం: ఇళయరాజా

మిత్రుని జన్మ దినోత్సవం....

ప్రియాతి ప్రియమైన బ్లాగర్లందరికీ (రాసే వారికి , వాటిని చూసేవారికి)వందనాలు.

ముఖ్యముగా....

రేపు అనగా ఆగష్టు ఎనిమిదవ తేదీ మా కిషన్ గాడి బర్త్డే ( క్రియేటివిటి). అవును మరి గొప్ప వాళ్ళెప్పుడు ఆగష్టు లోనో లేదా ఫిబ్రవరి లో నో పుడుతుంటారు....

వాడు చాలా మంచి వాడు. ఫ్రిఎన్ద్శిప్ (మళ్ళి క్రియేటివిటి) కి కాషాయ దుస్తులు తొడిగి ''టై ''కడితే వాడు మన కిషన్ గాడే...

ఈ రోజు వాడు నాకు కరెక్ట్ గ 12:34:56 కి ఫోన్ చేసాడు . గమనించారా...ఈ రోజు 7 వ తేదీ, ఇది 8 వ నెల ,9 వ సంవత్సరం.(2009) ....
అంటే 1 నుండి 9 వరకి గల అంకెలు అన్ని వున్నాయన్న మాట ....

మా ఇద్దరి ఫ్రిఎన్ద్శిప్ (**) గురించి కొంచం....

వాడికి టీ అంటే ఇష్టం...నాకు కాఫీ అంటే ఇష్టం...
వాడికి షారుక్ అంటే ఇష్టం ....నాకు నానా పటేకర్ అంటే ఇష్టం...
వాడు ఆంధ్రప్రదేశ్ లో వున్నాడు....నేను తమిళనాడులో...
వాడిది హీరో హోండా బండి.......నాది టి.వి.ఎస్. ...
వాడిది లవ్ మారేజ్ .....నాది ..అరేంజ్ మారేజ్..వా....( ఏడుపు)...అంతలోనే హ.హ...(నవ్వు)

ఎందుకంటే నన్ను వేటాడి వెంటాడి పట్టుకుని జైలు లో తోసేసారు....వాడు లొంగిపోయాడు ....ఇద్దరం సంసారం అనే ఓపెన్ జైలు లో నే వున్నాం...

ఆయినా సరే మేమిద్దరం ప్రాణ స్నేహితులం....

ఎందుకంటే .......

మా మధ్య చిన్నప్పుడు జరిగిన ఒక ఒప్పందం మా ఇద్దరిలో ఎవరు ఎం చేసిన ఇంకొకడు దానికి సపోర్ట్ చెయ్యాలి..(లోకం లో తప్పులు , ఒప్పులు అనేవి లేవు, సమయం , సంధర్బం మనుషులు, వారి గుణాలు , పరిసరాలు బట్టి అవి నిర్ధారించ బడతాయి కాబట్టి మనం ఎం చేసిన అది కరెక్ట్ అని వాదించవచ్చు కాక పోతే కొంచం తెలివి తప్పని సరి. )

నా కోసం వాడు ఏమైనా చెయ్యగలడు....నేను కూడా వాడి కోసం ఏమైనా చెయ్యగలను....(ఒక్క మార్తాండ గారి తో ''వేసిన ప్రశ్నకి సూటిగా జవాబు చెప్పించడం '' తప్ప.. )

కాబట్టి మీరు నా స్నేహితునికి పుట్టినరోజు శుభాకాంక్షలు తెలుపగలరు....

మీకు నా ముందస్తు కృతజ్ఞతలు ....

తోటరాముడు గారు ఆంధ్రభూమి లో రాసిన తోటరామాయణం

ఇక్కడ నొక్కండి ....85 వ పేజి లోడ్ అయ్యేదాకా వెయిట్ చెయ్యండి ...84 మరియు 85 వ పేజి చదవండి ..ఆ తరువాత హాయిగా నవ్వుకోండి.

ఒక తమిళ్ కవిత.

ఒక తమిళ్ కవిత.

సిల పూక్కల్ వున్నిడం
సిల పూక్కల్ ఎన్నిడం
ఆనాల్....
నీ ఒరు మన మేడయిల్
నా ఒరు కల్లరయిల్

అర్థం: కొన్ని పూలు నీ దగ్గర వున్నాయి
కొన్ని పూలు నా దగ్గర వున్నాయి
కాకపోతే....
నువ్వు పెళ్లి పందిరి లో వున్నావు
నేను సమాధి లో వున్నాను...

నా స్నేహితులు : పార్టు మూడు

ముస్తఫా: మా శ్రీను గాడి ప్రేమ వలన మాకేమైనా లాభం వుందా అన్న ప్రశ్నకు జవాబు ఈ ముస్తఫా.
ఆ అమ్మాయి ఇంటి పక్కనే వీళ్ళ ఇల్లు అందుకే ఇతడిని మా గ్రూప్ లో దోస్తు చేసుకున్నాము. కాని ఇతడి కొన్ని మంచి గుణాలు(చెస్ ఆడడం క్రికెట్ ఆడడం) చూసినతరువాత నిజంగానే మా శాశ్వత దోస్తాన్ టీం లో చోటు కల్పించాం.
మా ఇద్దరి మధ్య మంచి స్నేహం వుంది కాని ఒక లోటు ఏంటంటే ''అరేయ్ ఒరేయ్ ''అనేంత స్నేహం లేదు.ఎందుకంటే మా అందరిలో మొదట ఇతడు అంటేనే పడక పోయేది ఆ అమ్మాయి ని రోజు చూడడం కోసం శ్రీను గాడు కోసం ఇతడిని దోస్తుగా చేసాడు అని మాలో ఫీలింగ్ వుండేది. తరువాత ఆ ఫీలింగ్ పోయింది కాని మా దోస్తాన్ లో ఈ లోటు మిగిలి పోయింది.

కాని ఆ అమ్మాయి పెళ్లి అయిపోయిన తరువాత శ్రీనుగాడికి మనసు మార్చడానికి ఇతడు చెప్పిన మాటలు రాజకీయంగా మాకు ఎంతగానో తోడ్పడ్డాయి.

ఏం లేదండి ఇతడు వేరేఅమ్మయిని ప్రేమించమని సలహా ఇచ్చాడు మా శ్రీను గాడికి వాడు వీరలెవల్లో ఒకమ్మాయికి లైన్ వేసి పడేసి ఒక సందులో మాట్లాడుతుండగా ఆ అమ్మాయి వాళ్ల బాబాయి చూడడం ఆ అమ్మాయి చేతే ఈవ్ టీజింగు కేసు పెట్టించడం పోలిసులు మనవాళ్ళని (నేను అప్పుడు అక్కడ లేను హైదరాబాద్ లో వున్నాను)లోపల వెయ్యడం వాళ్లు బెయిల్ పై బయటికి వచ్చి కోర్టులకి పోలీస్ స్టేషన్ లకి తిరగడం అప్పుడే ఎలెక్షన్ లు రావడం కొంత మంది రాజకీయనాయకులు వచ్చి వీళ్ళే రేపటి పౌరులు అని వీళ్ళని ఓట్లు వేయించమని అడగడం మనవాళ్ళ స్టేటస్ పెరిగి పోవడం చక చక చక జరిగి పోయాయి.

ఇంకా వుంది....

నా స్నేహితులు: పార్టు రెండు

శ్రీను గాడు: వీడిని పదవ తరగతి చదివేటప్పుడు ముద్దుగా ''మేక'' అని పిలిచేవారు...
కాని సుస్వాగతం సినిమా రాగానే వీడు పవన్ కళ్యాణ్ అయి పోయాడు..
ఫోర్ ఇయర్స్ లవ్ స్టొరీ వీడిది..ఎదవ తరగతి సారి... ఏడవ తరగతి చదివే రోజులనుండి ఇంటర్ ఫస్టియర్ వరకి ఒకే అమ్మాయిని ప్రేమించాడు...(షరా మాములుగా ఆ అమ్మాయికి వేరే అతని తో పెళ్లి అయి పోయింది).
ఒక సారి దైర్యం చేసి ప్రేమ విషయం చెబుదామని అనుకున్నాడు...అందుకు ఒక గ్రీటింగ్ కార్డు కూడా కొన్నాడు.వారం అయింది , రెండు వారాలు అయ్యాయి కాని వీడు గ్రీటింగ్ కార్డు ఇవ్వట్లేదు ''ఎందుకు రా లేట్'' అని అడిగాము.
ఏప్రిల్ ఫస్ట్ కోసం ఎదురు చూస్తున్న అని అన్నాడు మాకు అర్థం అయింది వాడి దైర్యం ..అయినా
డైలీ ఆ అమ్మాయి వుండే ఇంటి సందులో కి ఇరవై ముప్పై సార్లు చక్కర్లు కొట్టేవాడు..(కూడా మమ్మల్ని తీసుకు వెళ్ళేవాడు. ఊరికే కాదు లెండి ''మార్కండేయ స్వీట్ హౌస్ లో సమోసా''కొనిచ్చేవాడు)
ఆ స్వీట్ హౌస్ కి ఎప్పుడైనా సెలవు వున్నప్పుడు వీడిని తప్పించుకు తిరిగేవాళ్ళం.
అలా ఆ సందు చాల బిజీ గా వుండేది. ఆ సందు లో మా సైకిళ్లు తోక్కడాలు, నడవడాలు మూలాన గోతులు ఎక్కువ అయి ఆ సందులో వున్నా వాళ్లందరూ గోల పెట్టారు.
వెంటనే ఆ అమ్మాయి పెళ్లి అయిపొయింది..
మన వాడి ఇంట్లో బీరువాలో ఆమె తో ఆడిన షటిల్ కాక్, దసరా కి ఆమె ఇచ్చిన సత్తు పిండి మిగిలి పోయాయి.
(అంతటి తో అయిపోలేదు కొందరు మిత్రుల సలహా పై ''ఈ కాలం లో రాముడి లా వుండకూడదు కృష్ణుడి లా వుండాలి '' అని మనవాడు వేరే అమ్మాయి లైన్ వేసాడు కాని ....ప్రేమ సంగతి దేవుడెరుగు మా గ్రూప్ గోదావరిఖని లో రౌడి శిటర్లు అయ్యారు )

నా స్నేహితులు..

విజ్జు గాడు: వీడితో ఒక్కరోజు కలిసి తిరిగితే చాలు....వాడి గురించి ఎం అనిపిస్తుందంటే...''వీడికి వున్న తెలివికి వీడు ఇక్కడ వుండకూడదు.....అమెరికాలో హాలివుడ్ కి స్టైల్స్ నేర్పే జాబు లో వుండాలి అనిపిస్తుంది.. ''
అలాగే అయిదు నెలలు స్నేహం చేసాం అనుకో ''వీడు ఇక్కడ వున్నది కరక్టే '' అనిపిస్తుంది...
వీడు మొలతాడు కి బదులుగా లీ కూపర్ షూ లేస్ కట్టుకుంటాడు ..బ్రాండెడ్ అంటే అంత మోజు వీడికి...
మొత్తానికి వీడు మా గ్రూప్ లో గ్రాఫిక్స్ లాంటి వాడు. (గ్రాఫిక్స్ వున్న అంజి ఫ్లాప్ అరుందతి హిట్).
వీడే గనక ముకేష్ అంబాని తో కలిసి వుంటే అతడు ఫోర్బ్స్ పత్రిక(ప్రపంచ సంపన్నుల జాబితా) లో కాదు కదా..కోల్ వాయిస్ పేపర్ లో కూడా రాదు..
వీడు ఒంటరిగా ఈ సింగపురో లేక మలేసియా నో వెళితే వీడికి మంచిది వీడి స్నేహితులకి ఇంక మంచిది. (ఎందుకంటే అక్కడి నుండి ఎప్పుడైనా వచ్చేటప్పుడు పర్సులు, ఇంక మంచి మంచి ఐటమ్స్ తీస్కోస్తడు కదా...వీడు డ్రెస్సులు, బెల్టులు ,పర్సులు, మొదలైనవి సెలెక్ట్ చెయ్యడం లో నెంబర్ వన్).
ఒక్కమాటలో చెప్పలేం..

కిషన్ గాడు: వీడిని ఏమైనా అంటే కళ్లు పోతాయో లేదో తెలియదు కాని పోయిన కళ్లు ఎన్ని మందులేసిన తిరిగి రావు...
అంత మంచి వాడు....వీడితో స్నేహం చేస్తే వీడి ఫాన్స్ అయిపోతారు...ఆటోమాటిగ్గా...
మొహమాటస్తుడు, ఏమనుకుంటారో అని అనుకునేవాడు, (ఎవరైనా సీరియల్సు చూసే టైం లో వాళ్ళింటికి వీడు వెళ్తే సీరియల్ అయిపోయే దాక ప్రకటనల తో సహా చూసి చప్పట్లు కొట్టి ఈ సీరియల్ దేశానికీ మంచిది మీరు మంచి సీరియల్ చూస్తున్నారు అని చెప్పి బయటకి వచ్చి ఎవ్వరు చూడకుండా కొంచం సేపు కుమిలి కుమిలి పోతాడు కాని ''చెత్త సీరియల్సు వేరే చానల్సు మార్చండి'' అని అనడు..)
ఒక్క మాటలో చెప్పాలంటే వీడు'' సన్నిహిత ప్రియ మిత్రుడు''

బచ్చి గాడు: ''హి హి హి'' అని నవ్వుతాడు ...ఆ నవ్వు ఒక్కటి చాలు .....
కిషన్ కి పెద్ద ఫ్యాను....


కిషన్ తలమీద వెంట్రుకలు కదిలినా చాల ఫీల్ అవుతాడు కాని వీడి గాలి వలనే ఆ వెంట్రుకలు కదులుతున్నాయని అర్థం చేసుకోడు.
ఒక్క మాటలో చెప్పాలంటే'' చిన్న పిలగాడు''

(ఇంక వుంది)

ప్రియమైన స్నేహితుడి కి

ప్రియమైన స్నేహితుడి కి

కిషన్ ....డైలీ వుదయం ఆఫీసు కి రాగానే ఎంతో ఆత్రుతగా జిమెయిల్ ఓపెన్ చేస్తాను ...నా మిత్రుడి నుండి ఏమైనా మెయిల్ వచ్చాయా అని ...కాని మెయిల్ బాక్స్ నిన్న చూసిన మెయిల్స్ తప్ప కొత్తవి చూపించదు. సర్లే అని ఆఫీసు పని లో మునిగి పోతాను ...లుచ్ టైం అవుతుంది...మల్లి ఒకసారి మెయిల్స్ చెక్ ....ఊహు ..నో న్యూ మెయిల్స్...ఓకే అని ఇంటికి వెళ్లి ఇంత...(?)తినేసి వస్తాను..రాగానే మల్లి మెయిల్స్ చెక్....పాపం ఇప్పుడు జిమెయిల్ కే నామీద జాలి పుట్టి రెండు స్పాం మెయిల్స్ ని పంపిస్తుంది..కాని నా మిత్రుడి మెయిల్ రాదు..మల్లి ఆఫీసు నుండి ఇంటికి వెళ్ళేటప్పుడు కూడా సేం ప్రాసెస్ . బట్ నో మెయిల్స్.....

అందుకే ....ఆలోచించాను .....తప్పు నాదే ...నేను నీకు మెయిల్స్ పంపకుండా నీ మెయిల్స్ కోసం వెయిట్ చేస్తున్నాను.
ఇప్పుడు మెయిల్ చేస్తున్నాను...నువ్వు దీనికి రిప్లై పంపగలవు...తప్పని సరిగా...ఎందుకంటే మనం గోదావరిఖని లో వుండి కలుసు కోలేని రోజు లేదు...దైవ నిర్ణయమో లేక నేను పెద్దగ చదువు కొకపోవడమో నేను తమిళనాడులో నువ్వు హైదరాబాద్ లో వున్నాం ...సంవత్సరాని కి ఒకసారి కూడా కలుసుకుంటమో లేదో తెలియదు.

అందుకే మిత్రమా....డైలీ ఒక మెయిల్ చెయ్యి....ఇక నుండి నేను కూడా మెయిల్స్ చేస్తాను....
ఇట్లు
నీ స్నేహితుడు